[size=32]ليت تدرين انه لو قلبي غفل
او تكاسل او يحاول بس ينسى
منو انتي !!
وقتها بااصبح حطام
من حدود الحب
لحدود الخيال
وانتي بس مشطك سعيد
وانتي بس عطرك وحيد
وانتي بس قلبك فريد
وانتي بس صمتك وعيد
وادري انه ماعندي حكي
مايصادقني فرح
ولا يعاتبني بكي
اتذكر الف مره فى غيابك
كيف كنت
وكيف صرت
وكيف راحت بك عباتك
للغياب
وانتي من لحظه معي
اتلفت فى حدود البيت عقبك
وش بقالي
غير عطرك
جالسن وحده هناك
يازحام الخوف فيني
ليه تنساني الثواني
وليه يتساقط حنيني
وليه يكرهني انيني
علموها انه قلبي ماهو قلبي
واني اتحايل عليها
لا ظهر صبري فى عيني
واختفى ضعفي وانيني
علموها انها اطهر اماني
وانها حلم انفعالي
وانها تاج انكساري
وانها ل كلمة تعالي
ينخذل فيها قراري
ايه اتوه
لا طرى نصفي حلاها
ايه اتوه
لا اشتعل فيني غلاها
ايه اتوه
لا مشى فى يديني ماها
لا سكن فى سمعي صداها
لا رسمت فى عيوني وفاها
لا وقفت استقبل سناها
حب
والا ضيم
والا عشق
والا شئ
مايعرف مداها
علموها انها احلامي صغيره
وانها فى روحي اميره
وانها لا يمكن تكون
مثل باقي الناس عندي
حتى لو انها تغيب
حتى لو انها تنام
حتى لو انها هناك
علموها انها اطهر اماني[/size]
